An kimono (きもの/着物, lit., "bagay na susuloton" – gikan sa berbo na "para suloton (sa takyag)" (着 ki), asin an panggarang "bagay" (物 mono))[1] iyo sarong tradisyonal na Hapones na bado asin nasyunal na kasulotan kan Hapon. An kimono iyo sarong hugis-T, napapatosang pang-atubang na bado na igwang kwadradong manggas asin rektangular na lawas, asin iyo pigsusulot na an walang gilid nakapatos sa too, kun dae pa gadan an nagsusulot.[2] An kimino iyo tradisyonal na pigsusulot kaiba an mahiwas na sash, na inaapod na obi, asin iyo harus pigsusulot kaiba an mga bagay arug nin zōri na sandal asin tabi na medyas.
An kimono igwa nin grupo nin mga paagi kan konstruksyon asin iyo tipikal na nagigibo gikan sa halaba, piot na bolta nin bado na bisto bilang an tanmono, alagad an Solnopan-istilong fabrikong bolta iyo minsan nagagamit man.[3] Igwa nin nagkapirang klase nin kimono para sa lalaki, babayi asin aki, baryente base sa okasyon, an panahon, an edad kan masulot, asin - dae na masyado sa modernong panahon - an marital na istado kan masulot. Apwera sa persepsyon kan kimono bilang sarong pormal asin dipisil na suloton, igwa nin mga klase kan kimono na bagay para sa gabos na pormalidad, kaiba an mga impormal na okasyon. An paagi sa sarong tawo na magsulot kan saindang kimono iyo bistado bilang an kitsuke (着付け, lit., "dressing").
Sa presenteng panahon, an kimono iyo dae na tipikal na pigsusulot bilang pang-urualdaw na bado, asin dae na nahihiling bilang sarong moda para magkaigwa asin suloton kan sarong Hapones na persona. An kimono sa ngunyan iyo harus nahihiling sa mga kapistahan sa tig-init, kun sain an mga tawo harus pigsusulot an yukata, an pinaka-impormal na klase nin kimono; alagad, mas pormal na klase nin kimono iyo pigsusulot man sa mga paglubong, kasal, pagtatapos sa klase, asin iba pang mga pormal na kasibotan. An ibang tawo na harus nagsusulot nin kimono iyo kabali an geisha asin maiko, na kinakaipo na suloton ini bilang parte kan saindang propesyon, asin rikishi, o mga sumo wrestler, na dapat magsulot nin kimono sa gabos na panahon sa publiko.[4]
Sa hababang bilang nin tawo na harus nagsusulot nin kimono asin an reputasyon kan bado bilang sarong komplikadong artikulo nin pagbado, an kimino nagka-eksperyensya nin bilang nin mga pagbabalik sa nagligad na dekada, asin iyo pigsusulot man giraray ngunyan bilang pang-modang bado sa nasyong Hapon.
|url-status=
ignored (help)
© MMXXIII Rich X Search. We shall prevail. All rights reserved. Rich X Search